O estudantado do MERYCSE, na Feira Internacional da electrificación e a descarbonización

O estudantado do Mestrado de Excelencia en Enerxías Renovables, Cambio Climático e Desenvolvemento Sostible (MERYCSE) asistiu en Madrid a GENERA 2025. Feira Internacional da electrificación e a descarbonización, onde tivo a oportunidade de participar en xornadas e congresos e percorrer os máis de 500 expositores de máis de 65 países. Aproveitando a ocasión, o mestrado da USC estableceu contactos para ampliar a oferta de prácticas externas e a colaboración en iniciativas docentes.

GENERA 2025 está considerada como a primeira Feira en enerxías renovables e medioambiente de Europa.  Os mais de 24000 m2 de exposición constitúen a maior plataforma comercial para esta industria e conta co apoio do Instituto para a Diversificación e Aforro da Enerxía, IDAE (Ministerio para a Transición Ecolóxica e o Reto Demográfico) así como dos principais axentes deste sector económico.

Ademais este ano, o mestrado tivo a oportunidade de asistir á Semana Internacional da Electrificación e a Descarbonización, unha iniciativa que uniu as feiras GENERA e MATELEC: innovación e tecnoloxía para a industria eléctrica e electrónica.

Estas visitas foron posibles grazas á axuda da Consellaría de Educación, Ciencia, Universidades e Formación Profesional.