Filosofía engade á súa colección de arte dúas obras de Lois Rodríguez Camarero e Nel Rodríguez Rial

A Facultade de Filosofía acaba de recibir a modo de cesión e doazón temporal, respectivamente, dúas obras pictóricas da man dos profesores xubilados do centro Luis Rodríguez Camarero e Nel Rodríguez Rial. Ambas obras están expostas na Sala de Xuntas da Facultade.

O cadro do profesor Luis Rodríguez Camarero leva por título ‘Curva da Cova’ e trátase dun óleo sobre táboa, de 77 x 82 centímetros. En canto ao do profesor Nel Rodríguez Rial, titúlase ‘Physis I’” e tamén é un óleo, neste caso sobre lenzo, de 92,5 x 146,5 centímetros. No acto de entrega, os autores estiveron acompañados do decano Marcelino Agís Villaverde; do vicedecano Javier Barcia González e do secretario da Facultade Martín Pereira Fariña. O equipo directivo quixo deixar constancia da súa gratitude por esta “xenerosa entrega que contribúe a humanizar e embelecer un espazo do noso centro moi utilizado”.