O nodo de Santiago do Centro Nacional de Xenotipado organiza un curso nas instalacións do CNIO en Madrid

O nodo de Santiago do Centro Nacional de Xenotipado (CeGen) organiza a vindeira semana en Madrid, nas instalacións do Centro Nacional de Investigacións Oncolóxicas (CNIO), un curso sobre deseño, análise de datos de xenotipado e interpretación de resultados estatísticos. Nesta xornada, a desenvolver os días 25 e 26, participan expertos en xenotipado de centros prestixiosos e punteiros en investigación como o Centro Nacional de Epidemioloxía ou o de Investigación Biomédica en Rede de Enfermidades Raras, ademais do propio CNIO e o CeGen de Santiago, de onde se trasladarán varios investigadores a Madrid.