Entrega de premios do III Certame de paisaxe sonora

As entidades organizadores do III Certame de paisaxe sonora celebrarán o vindeiro 22 de novembro na Casa do Saber do campus de Lugo, a partir das 20.30 horas, a cerimonia de entrega dos premios á mellor paisaxe sonora, á mellor paisaxe feita por estudantado da USC e o premio do público.

Esta iniciativa enmárcase dentro da programación artellada ao abeiro do convenio Lugo Cultural, que recibe financiamento da USC, Cultura e Turismo do Concello de Lugo e da Vicepresidencia da Deputación Provincial de Lugo.