Conferencia 'Masculinidades en transformación social cara á igualdade'

O profesor da Universidade de Valladolid Iván Sambade Baquerín imparte o venres 14 a conferencia 'Masculinidades en transformación social cara á igualdade', que estará moderada pola decana da Facultade de Ciencias Políticas e Sociais, Marta Lois.

A actividade, a desenvolver de 11.00 a 13.00 horas no Salón de Graos da Facultade, está  incluída no convenio de colaboración entre a Consellería de Política Social e Igualdade e a Universidade de Santiago de Compostela para o desenvolvemento de actuacións en execución do Plan Corresponsables e precisa inscrición previa.