Preguntas frecuentes

En función de que requiran ou non titulación previa de acceso se distinguen os seguintes cursos propios:

Os Cursos de Formación Continua e os de Formación Específica poderán ser organizados a iniciativa directa de docentes, servizos, centros, departamentos ou grupos de investigación da USC, ou a demanda de entidades externas.

Para titulados:

• Máster de Formación Permanente.
• Diploma de Especialización.
• Diploma de Experto/a.

Para non titulados: Cursos de Formación Continua.

Para titulados e non titulados: Cursos de Formación Específica (tamén en formato de Microcredenciais Universitarias). 

As Microcredenciais Universitarias son cursos especializados e breves nos que se adquiren competencias específicas e conectadas coas necesidades do sector productivo. 

Máster en Formación Permanente:  60, 90 y 120 ECTS.

Diploma de Especialización: entre 30 y 59 ECTS.

Diploma de Experto/a: entre 15 y 29 ECTS.

Cursos de Formación Continua: a partir de 15 ECTS.

Cursos de Formación Específica e Microcredenciais Universitarias: menos de 15 ECTS.

É un curso organizado para satisfacer as necesidades específicas de formación dunha entidade ou institución externa á USC, a petición da mesma e para os seus empregados, socios, asociados ou colexiados. O alumnado pode ser seleccionado e matriculado por ela, que aboará á USC a cantidade que corresponda, previa factura. Superado o curso, expediráselle ao estudantado un certificado acreditativo da formación recibida. O profesorado tamén poderá solicitar certificación da docencia impartida ou da dirección do curso.

Os estudos propios de 15 créditos ou mais deben ser aprobados polo Consello de Goberno, previo informe favorable da Comisión de Estudos Propios.

Os estudos propios de menos de 15 créditos deben ser aprobados pola Comisión de Estudos Propios.

No caso dos Másteres de Formación Permanente e dos Diplomas de Especialización e de Experto/a, as propostas se presentarán no período indicado en cada convocatoria, que se publicará no Taboleiro electrónico da USC en na páxina web do CEP:

https://www.usc.gal/gl/centro/centro-estudos

Fora dese prazo só se considerarán as propostas de interese institucional.

As propostas dos Cursos de formación continua e de formación específica ou Microcredenciais universitarias poden presentarse en calquera momento, coa antelación precisa para a súa revisión, valoración e, de ser o caso, aprobación.

Si. A través da FUNDAE as empresas poden solicitar axudas. Pode atoparse información no seguinte enlace  http://www.usc.es/gl/centros/cep/modules/news/news_0005.html

Si, sempre durante a celebración do curso e deberá ser autorizada pola Comisión do CEP. Excepcionalmente o Consello de Goberno poderá coñecer esta modificación se o curso propio ten 15 créditos, ou máis.

Para non contravir os compromisos adquiridos co estudantado, non se autorizará ningunha modificación posterior ao período de matrícula, que sexa relativa a: Criterios de acceso e admisión do estudantado, procedemento de avaliación do curso, título do curso ou das materias, programa, número de créditos e créditos totais das materias, salvo que se trate de actividades docentes complementarias e voluntarias para o alumnado e o importe da matrícula.

Si, antes do inicio do período de matrícula sen alegar motivo e tamén se, terminado ese prazo, non se acada o número mínimo de alumnos.

A persoa que asuma a dirección do curso deberá pertencer á USC e, no caso dos másteres e cursos de especialización, deberá ser persoal docente e investigador con vinculación permanente ou con contrato vixente mentres dure o curso e ata o fin do prazo para a obrigatoria presentación da  memoria. Ademáis, no caso dos másteres propios, deberá posuír o título de doutoramento.

Se o curso contemplase unha codirección, a persoa que a asuma poderá ser externa á USC, sempre que a entidade á que pertenza colaborara na proposta e organización do curso e se trate dunha persoa con titulación universitaria oficial. A persoa que asuma a codirección poderá colaborar coa dirección no deseño do curso, apoiar con publicidade a través de canles externos á USC para a captación do estudantado e na selección como docentes de profesionais alleos á USC vinculados ao seu ámbito de actividade, así como actuar na xestión ordinaria dos labores docentes.

Debe tratarse de persoal docente e investigador da USC, agás cando a natureza da formación ofrecida aconselle que se trate doutro persoal desta.

Non se poderá ser director/a de máis dun Máster de Formación Permanente ou dun Diploma de Especialización ou de Experto/a simultaneamente (excepto caso dun curso estruturado en módulos que podan ser outros títulos); nin ser co-director/a de mais de dous. Para o resto dos cursos non existe limitación.

Si, un informe favorable do departamento ou centro organizador e outro de dispoñibilidade das instalacións necesarias para impartir a docencia.

Os modelos de informe poden atoparse na seguinte dirección: https://www.usc.gal/gl/centro/centro-estudos/arquivo

Hai que cumprimentar o modelo-tipo que figura na páxina web https://www.usc.gal/gl/centro/centro-estudos/arquivo e envialo ao CEP, que xestionara a súa tramitación e sinatura.

Hai que cumprimentar o modelo-tipo que figura na páxina web: https://www.usc.gal/gl/centro/centro-estudos/arquivo  e envialo ao CEP, que xestionara a súa tramitación e sinatura.

Si, pero débese solicitar autorización á Comisión de Estudos Propios, achegando nova proposta de orzamento de ingresos e gastos.

Si, sendo a presentación da memoria da edición anterior, requisito imprescindible para a renovación do curso.

Tramitar o pagamento do persoal con cargo ao curso, supervisar e controlar o seu desenvolvemento, solicitar calquera cambio da proposta aprobada e solicitar a renovación para vindeiras edicións.

Asinar as actas globais de cualificación do curso e cumprimentar a memoria académica e económica, que se presentará ao CEP nun prazo máximo de 3 meses dende a súa finalización.

O director/a, un secretario/a, tres docentes do curso e un/ha estudante matriculado/a. A metade dos membros debe ser da USC.

Non é necesaria.

Existe un límite de 100 horas de docencia por curso académico (excepto titorías no TFM e titorías en cursos non presenciais). Este límite se amplía a 120 horas sumando a dirección, codirección ou coordinación. 

Si, deberán figurar como "obrigatorias" na programación académica e neste caso as debe realizar todo o estudantado matriculado. 

Non necesariamente. Si estas prácticas figuran como "Optativas" poden ser un complemento formativo adicional á programación académica, e non é necesario que as realice todo o estudantado matriculado. 

Si, unha vez aprobada a proposta do curso é necesario subscribir un convenio entre a USC e a empresa/entidade para o desenvolvemento das prácticas, tanto si forman parte do plan de estudos, como si son un complemento formativo adicional. O convenio  xestionarase a través do CEP segundo o procedemento establecido na USC.

Para os Másteres de Formación Permanente, Diplomas de Especialización e Diplomas de Experto/a o 25% dos créditos e dos docentes pertencerá a USC, agás razóns extraordinarias que deberán ser valoradas pola Comisión.

Os Cursos de Formación Continua,  de Formación Específica ou as Microcredenciais Universitarias non presentan ningún requisito neste aspecto.
 

Para os Másteres de Formación Permanente, Diplomas de Especialización e Diplomas de Experto/a o 25% da docencia será impartido por persoas que posúan o título de doutor/a, agás razóns extraordinarias que deberán ser valoradas pola Comisión..
Os Cursos de Formación Continua, de Formación Específica ou as Microcredenciais Universitarias non presentan ningún requisito neste aspecto.

Si, pero no título so figuraran os créditos necesarios para obter a titulación.

Despois da aprobación pola Comisión do CEP da memoria do curso.

Despois da aprobación pola Comisión do CEP da memoria do curso.

Segundo as bases de execución orzamentaria de 2024, os límites máximos globais a percibir anualmente son: 12.000 euros por actividade docente e 7.500 euros por dirección ou coordinación. A suma das retribucións obtidas por actividade docente e por dirección ou coordinación non superará os 15.000 euros.

Segundo as bases de execución orzamentaria de 2024, as retribucións máximas serán de 150 euros por hora de docencia e 90 euros por hora de dirección ou coordinación de estudos propios. 

Na actualidade, o Consello de Goberno ten aprobado un prezo mínimo de 20 euros por crédito ECTS e un máximo de 100 euros por crédito ECTS.
Non será de aplicación este prezo mínimo e máximo aos Cursos de Formación Continua, de Formación Específica ou ás Microcredenciais Universitarias si están organizados a demanda e contan con menos de 15 estudantes matriculados. A entidade solicitante da formación aboaralle á USC a cantidade que corresponda pola matrícula do estudantado
.

Si.  No caso de tratarse de persoal da USC terá un límite de 75 horas por curso académico e unha remuneración máxima fixada por Xerencia.

Cando se trate de persoal da USC, as retribucións deben ser tramitadas a través do CEP no impreso correspondente, que se pode atopar na web: https://www.usc.gal/gl/centro/centro-estudos/arquivo.
Cando se trate de persoal externo  presentará factura dos seus traballos e será pagada a través do RAE do centro de adscrición.
.

Un máximo do 20% do total dispoñible.

Un mínimo do 40% do total do dispoñible, agás casos debidamente autorizados previamente pola Comisión do CEP e previa petición razoada pola dirección do curso.

Si, está cuberto por un seguro de accidentes e responsabilidade civil a través da póliza subscrita pola USC. Este seguro da cobertura ao estudantado durante a realización do curso, incluído o período das prácticas en empresas, sempre que estea vixente o correspondente convenio.
Non é preciso o seguro para os cursos integramente virtuais.

O canon calcúlase automaticamente, correspondendo o 15 % sobre o total dos ingresos de matrícula para a USC e o 2% para o centro/departamento/instituto organizador. No caso existir ingresos mediante convenio aplicarase o 1% de retención.

Non é posible realizar este pago.

É posible a través de dúas vías: 1) Como curso organizado a demanda dunha entidade, que aboará á USC os gastos do curso. 2) Como curso organizado con cargo aos ingresos dun grupo de investigación .

So é posible si o congreso ten relación coa materia docente e este gasto aparecera contemplado na proposta do curso. Antes de facer o gasto é preciso solicitar autorización ao CEP indicando o nome do estudantado asistente, que poderán ir acompañado por un/ha profesor/a do curso. Non é posible pagar axudas de custo e locomoción ao estudantado por asistir ao congreso.

Son cursos especialmente dirixidos a persoas con ou sen titulación universitaria, dependendo da tipoloxía do curso, que queren especializarse ou reciclarse profesionalmente. A partir dunha metodoloxía aplicada se incentivan as prácticas e as estancias en contextos produtivos  reais.

• Máster oficial: é o conxunto de ensinanzas reguladas de posgrao con validez en todo o territorio nacional e no Espazo Europeo de Educación Superior. Para acceder requírese posuir o grao académico de licenciado/a, diplomado/a ou equivalente ou de grao no novo sistema de Educación Superior.
   
• Máster de Formación Permanente: son estudos aprobados por cada Universidade, encamiñados á formación de especialistas, acorde coas demandas da sociedade, sobre todo en ramas interdisciplinares e de interese social, cultural, científico técnico e/ou profesional. Para acceder é necesario posuír os mesmos requisitos que para acceder a un máster oficial. Excepcionalmente poderá ser admitido o estudantado ao que lle falte por superar o TFG e como máximo 9 créditos ECTS para obter a titulación requirida.
   

As modalidades de cursos son as seguintes: 

• Máster de Formación Permanente
• Diploma de Especialización
• Diploma de Experto/a 
• Cursos de Formación Continua
• Cursos de Formación Específica
• Microcredenciais Universitarias
   

Non. So os másters oficiais dan acceso aos estudos de doutoramento.

Si. No enlace: http://www.usc.gal/gl/centro/centro-estudos/, figura a información xeral dos diferentes cursos aprobados no CEP por curso académico e poderá consultarse a modalidade na que se imparten.

As Microcredencias Universitarias son formacións especializadas breves, nas que se adquiren competencias específicas e conectadas coas necesidades do sector produtivo. Que presentan as seguintes características diferenciadoras:
•    Rexistro de resultados da aprendizaxe
•    Responden a necesidades sociais, persoais, culturais ou do mercado de traballo
•    Curtos
•    Orientada a adquisión de coñecementos (contidos), habilidades (destrezas) e competencias
•    Avaliación con criterios transparentes e claramente definidos
•    Independentes ou acumulables.
 

Os estudos propios diferéncianse segundo requiran ou non titulación previa.

No caso dos Másteres de Formación Permanente, dos Diplomas de Especialización e dos Diplomas de Experto/a se precisará a titulacion previa requirida en cada un deles.

No caso dos Cursos de Formación Continua non se requirirá titulación previa. Non obstante, si pode ser preciso reunir os requisitos de acceso específicos establecidos no seu caso.

Os Cursos de Formación Específica e Microcredenciais Universitarias poderán requirir ou non de titulación previa de acceso, segundo o decida a dirección do curso. 

A formación está plenamente recoñecida, pero dependerá de cada concurso que esta formación sume como méritos ou non. Dependerá de cada convocatoria, pero en caso de dúbida,  habería que consultar ao organismo que convoca a praza.

Cada curso ten un prazo propio e independente, que é posible consultar no enlace da oferta de estudos propios: http://www.usc.es/gl/centros/cep/oferta.html

Si, está cuberto por un seguro de accidentes e responsabilidade civil a través da póliza subscrita pola Universidade. Este seguro da cobertura ao estudantado durante a realización do curso incluído o período das prácticas en empresas, sempre que estea vixente o correspondente convenio.
Non é preciso este seguro para títulos integramente virtuais.
 

Con carácter xeral, salvo no caso de programa de bolsas específicos, os estudos propios non contemplan ningún tipo de bolsas ou exencións de prezos públicos (familia numerosa, discapacidade, estudante da USC, persoal da USC, etc.).. 

De ser preciso que a USC emita unha factura para acreditar o pago por dunha entidade ou empresa, dos importes de matricula ou seguro obrigatorio, poderá solicitarse nos días seguintes á formalización do pago, na oficina que xestiona a matricula. Esta facilitará un formulario que se debe cumprimentar e enviar segundo o procedemento indicado no mesmo.

As facturas corresponderán sempre a pagos realizados dentro do ano natural. Non se poderán emitir facturas de pagos de anos atrasados. A factura debe solicitarse nos días seguintes do pagamento realizado.

Si, sempre que o contemple a organización do curso na oferta aprobada. Estas prácticas poden ser curriculares (forman parte do plan de estudos e as debe realizar todo o estudantado matriculado) ou extracurriculares (son un complemento formativo da programación e non é necesario que as realice todo o estudantado matriculado).

Non.  Os gastos de expedición abónanse unha vez superado o curso propio e xestionarase no Servizo de Xestión Académica da USC (oficina de matrícula e na Sección de Títulos)

Si, pero para acceder a un título propio, o estudantado matriculado deberá solicitar a equivalencia da súa titulación oficial de acceso no Servizo de Xestión Académica, para que a súa admisión e matrícula sexa definitiva.

Un título propio ten a mesma validez fóra que dentro de España, xa que é un título curricular de estudios non regrados, e amparados pola Lei Orgánica do Sistema Universitario (LOSU).

As siglas ECTS corresponden a European Credit Transfer System, un sistema que permite medir o traballo que teñen que facer os estudantes para adquirir os coñecementos, capacidades e destrezas necesarias para superar as diferentes materias do seu plan de estudo.

A actividade de estudos (25 horas por crédito) inclúe o tempo de horas lectivas, horas de estudo, titorías, seminarios, traballos, prácticas ou proxectos, así como as esixidas para a preparación e realización de exames e avaliacións.

Na proposta de cada curso se establecerá a modalidade de pagamento, que poderá ser nun único pago ou en varios prazos. Esta información aparecerá publicada na web da USC.

O estudantado que supere a formación dun Máster de Formación Permanente, dun Diploma de Especialización ou dun Diploma de Experto/a, poderá solicitar a expedición do correspondente título ou diploma a través da súa Secretaría Virtual (alumnado) na paxina web da USC.
O estudantado que supere a formación dun Curso de Formación Continua ou dun Curso de Formación Específica, poderá solicitar a expedición do correspondente certificado académico asinado electronicamente a través da súa Secretaría Virtual (alumnado) na web da USC.
O estudantado que supere unha Microcredencial Universitaria, poderá solicitar a expedición da correspondente certificación electrónica ordinaria a través da súa Secretaría Virtual (alumnado) na web da USC. Ademais tamén conseguirá unha acreditación específica de Microcredencial Universitaria, que inclúe:

órgano e universidade ou universidades que a expiden

• datos do/a estudante
• denominación do curso: Microcredencial Universitaria en….
• modalidade de ensino (presencial, híbrida ou virtual)
• carga de traballo en créditos ECTS
• tipo de avaliación que acredita os resultados da aprendizaxe
• competencias e resultados da aprendizaxe adquiridos
• nivel da experiencia de aprendizaxe conforme ao Marco Europeo de Cualificacións- MECES (no caso de que proceda)
• sistema de garantía de calidade 
• país, lugar e data de expedición. 

A USC, na medida das súas posibilidades, adaptará e integrará as súas acreditacións en sistemas nacionais e europeos que faciliten a difusión das acreditacións expedidas (Europass).