Luz Fandiño fala de Rosalía de Castro no Monte da Condesa

A poetisa galega Luz Fandiño participará este mércores, día 7, nun café coloquio con motivo do Día Internacional da Muller Traballadora que organiza a Bolsa de Actividades Socioculturais da Residencia Universitaria Monte da Condesa ás 21:30 horas na súa Sala de Coloquios.
Baixo o título ‘Rosalía de Castro: Muller’, Luz Fandiño achegará aos presentes ao significado da vida e da obra da autora galega dende unha visión persoal e feminina, así como á súa relevancia social ao longo do tempo e do espazo.