Solicitude de defensa de tese

Unha vez que a túa tese estea finalizada, deberás solicitar a aprobación para o seu defensa. O primeiro paso para a obtención desta autorización consiste na presentación pola Secretaría Virtual do Alumno (SVA) da solicitude de defensa, acompañada da documentación relativa á túa tese.

A solicitude realízase de modo electrónico a través da SVA, polo tanto non precisas de sinatura electrónica. A/As persoa/s directora/s recibirán un correo para avaliar a túa solicitude e o perfil autorizado poderá facelo a través da súa secretaría virtual.

Pasos a seguir dende a solicitude ata a autorización da defensa da tese de doutoramento

Antes de iniciar a solicitude pola Secretaría Virtual, comproba que:

  • Tes asinado o Compromiso de Supervisión (CDS).
  • Cumpres coa data mínima para a presentación da tese.         
  • Non tes pendente de superar complementos formativos.
  • Tes formalizada a túa matrícula nos estudos de doutoramento.
  • Non estás en situación de baixa temporal.
  • Non tes liquidacións pendente.
  • Non solicitaches previamente unha defensa anterior.

Se incumpres algún punto dos anteriores, non poderás realizar a solicitude de defensa.

Poderás facer a solicitude de defensa pero recibirás unha alerta:

  • Se non tes liquidacións pendentes pero tes actividades formativas pendentes de avaliar.

Ademais, debes comprobar que:

  • Tes o Plan de Investigación e Formación (PIF) actualizado e aprobado.
  • Tes avaliadas todas as túas actividades formativas.
  • O idioma da tese coincide co do PIF aprobado.
    • Se a tese non está en galego ou castelán, esta deberá conter un resumo de mínimo 3.000 palabras en galego.
  • O título da tese coincide co título aprobado no PIF.
    • En caso contrario, deberás realizar un novo PIF na SVA antes da solicitude de defensa da tese.
  • Tes asignada unha única liña de investigación, relacionada directamente co tema de estudo da túa tese.

1. Acceso á solicitude

A solicitude realízase a través da túa SVA no seguinte itinerario: Consulta expediente doutoramento RD 99/2011 > Acceder á solicitude de defensa.

  • Podes iniciar o proceso antes de que finalice o prazo máximo, xa que a aplicación permite gardar e saír, e continuar máis adiante cando teñas recompilada toda a documentación anexa.

2. Recomendacións antes de presentar a solicitude:

  1. Prepara o PDF completo da túa tese co formato establecido pola USC. Checklist do exemplar da tese.
  2. É obrigatorio indicar un correo electrónico válido, xa que a través deste recibirás as distintas notificacións sobre o estado da túa solicitude.
  3. No resumo da solicitude non utilices máis de 100 palabras. A aplicación só permite engadir texto plano. Non pegues texto con formato. Este resumo é o que publicamos no noso boletín nEDIUS

3. Envío da solicitude:

Unha vez achegada toda a documentación, deberás volver á solicitude e premer no botón “Enviar ao perfil autorizado”. A partir deste momento xa non poderás facer modificacións. Será o programa de doutoramento quen se porá en contacto contigo no caso de que precises emendar algunha documentación.

1. Informe do perfil autorizado e da persoa directora da tese

2. Proceso de Avaliación Externa da Tese de Doutoramento

  • Os informes de avaliación da tese deben ser realizados por, polo menos, dúas persoas doutoras expertas alleas á USC.
  • As propostas das persoas expertas e a xestión dos informes serán realizados pola CAPD, oídas as persoas directoras, e seguindo o procedemento de cada programa
  • As persoas avaliadoras externas poderán suxerir melloras ou correccións.
  • A persoa doutoranda deberá analizar os comentarios recibidos por parte das persoas avaliadoras externas e a CAPD do programa, de ser o caso, e presentar:
    • Un informe, que inclúa:
      • Unha descrición dos cambios realizados na tese.
      • Argumentos, no seu caso, de non aceptar algunha(s) da(s) suxestión(s)/indicación(s) recibida(s).
    • Un novo PDF da tese cos cambios introducidos.
  • Os avaliadores externos poderán formar parte do tribunal, se así o ten establecido o programa de doutoramento

3. Informe da CAPD

A CAPD terá un máximo de 5 meses desde a presentación da tese para emitir un informe, que poderá ser:

  1. Favorable:
    • Envíase a tese á EDIUS, a documentación asociada e a proposta de membros do tribunal.
  2. Condicionado:
    • Se a tese precisa correccións, indicaranse prazos (máximo 3 meses) para que a persoa doutoranda presente as alegacións e/ou modificacións requiridas.
    • Se as modificacións se entregan en prazo, a CAPD terá 1 mes para emitir o informe definitivo (favorable ou desfavorable).
    • Se non se presentan as modificacións, o informe será automaticamente desfavorable.

A emisión deste informe ten que ter en conta o prazo establecido para todo o procedemento, que é de 5 meses, non podendo en ningún caso excedelo.

  1. Desfavorable:
    • Deberá estar sempre debidamente motivado e xustificado. Enviarase á Comisión Executiva da EDIUS e a tese non se porá en exposición pública.

4. Revisión por parte da EDIUS

Unha vez recibido o informe favorable da CAPD:

  • A EDIUS revisará o expediente.
  • Se hai erros, contactará co programa de doutoramento para que os emende.
  • Se todo está correcto, ábrese o prazo de exposición pública da tese:
    • 10 días hábiles en período lectivo (excluíndo sábados, domingos e festivos). Esta información publicarase en Xescampus e na web da EDIUS.

5. Exposición pública

Durante este prazo, calquera persoa doutora poderá solicitar acceso á tese mediante sede electrónica, achegando o seu título de Doutor ou Doutora.

6. Autorización final da defensa

Tras o período de exposición pública da tese de doutoramento:

  • A EDIUS valorará o expediente, o informe da CAPD e as alegacións, se as houber.
  • Poderá solicitar informes adicionais á persoa directora, á persoa doutoranda, á CAPD e/ou a outros especialistas no tema da tese.
  • Se a solicitude de defensa fose denegada, a Dirección da EDIUS emitirá unha resolución motivada con indicación dos defectos a corrixir.

7. Nomeamento do tribunal

Se a defensa da tese de doutoramento é autorizada:

  • Procederase ao nomeamento oficial do tribunal avaliador.
  • Comunicarase a súa designación.

8. Pago das taxas de exame

9. Notificación da data de defensa

O acto de defensa deberá realizarse nun prazo máximo de 3 meses a contar desde o día seguinte á autorización pola EDIUS. Para poder darlle a publicidade necesaria ao acto de defensa da tese segundo se establece no Regulamento vixente, deberás comunicar a data do acto de defensa cunha antelación suficiente, mínimo 7 días naturais.

10. Defensa da tese de doutoramento