A transformación dos roles de xénero é esencial para avanzar cara a unha sociedade máis igualitaria. Neste contexto, o concepto de novas masculinidades busca desmontar os patróns da masculinidade hexemónica, promovendo modelos máis xustos e equitativos. Este curso pretende proporcionar unha comprensión crítica das relacións de xénero, incidindo na importancia dos coidados e a corresponsabilidade como eixos fundamentais para o cambio social. A través dunha metodoloxía reflexiva e participativa, os/as participantes desenvolverán habilidades para analizar e cuestionar os discursos tradicionais sobre a masculinidade e propoñer estratexias que fomenten a equidade de xénero no ámbito persoal e profesional.
O curso está destinado a PDI, PEI, PTXAS e estudantado da USC: é preciso, polo tanto, ser membro da Comunidade Universitaria.
Obxectivos:
- Identificar e analizar os diferentes modelos de masculinidade.
- Reflexionar sobre o impacto dos roles de xénero no traballo de coidados.
- Propoñer accións concretas para promover a corresponsabilidade.
- Aplicar estratexias de cambio na súa contorna persoal e profesional.
- Deseñar campañas ou proxectos que fomenten novas masculinidades e a equidade de xénero en diferentes contextos.
Competencias:
- Desenvolver a capacidade de identificar e responder a discursos sobre xénero e masculinidade de maneira crítica e fundamentada.
- Avaliar os efectos da masculinidade hexemónica e as alternativas existentes mediante unha análise reflexiva e argumentada.
- Promover a transformación das relacións de xénero a través da sensibilización e da aplicación de boas prácticas.
- Identificar os cambios nos modelos de masculinidade e o seu impacto nas dinámicas sociais e económicas.
- Empregar linguaxes e prácticas que fomenten a igualdade e a corresponsabilidade nos distintos ámbitos sociais e profesionais.
Procedemento de avaliación:
- Participación activa nas sesións (20%).
- Elaboración dun diario de aprendizaxe/reflexión (30%).
- Traballo final aplicando os coñecementos adquiridos a un caso práctico (50%).
Datas e horario:
- 5, 6 e 7 de maio de 16.30 a 20.30 h
- 8 de maio de 16:30 a 19:30h.
Lugar: Facultade de Dereito. Campus Vida. Santiago de Compostela. Aula de Civil.
Número de horas: 15 horas
Prazas: 25
Selección: Por orde de inscrición
Preinscrición: do 16 ao 23 de abril de 2025
1. Menú da esquerda: Admisión. Seleccionar: Estudos Propios.
2. Aparecen os cursos de Formación Específica e Microcredenciais. Seleccionar o de interese.
3. Continuar o proceso segundo as indicacións.
4. IMPORTANTE: o curso é gratuito, non se ten que realizar ningún tipo de pago por ningún concepto.
Matrícula: do 24 ao 27 de abril de 2025
- Na páxina principal no apartado de matrícula da columna esquerda, débese marcar a opción Matrícula
- Na seguinte pantalla, marcar a OPCION 8 (alumnado que desexa facer a matrícula en estudos propios)
- A continuación, aparecerá o curso no que está admitido e deberá seguir os pasos que lle indica a aplicación ata terminar o proceso da matrícula. Lembre que o curso é gratuíto, polo que non debe facer ningún pagamento; aínda que apareza a opción, poderá continuar co proceso sen realizar pago ningún.