Tanto se es docente como estudante, nas actividades vinculadas coa docencia tes uns dereitos que é importante que coñezas.
A lexislación vixente (artigo 15 da Lei 3/1983, de normalización lingüística e artigo 7 do Regulamento de usos lingüísticos da USC) recoñece que tanto o alumnado como o persoal docente teñen o dereito a usar a lingua oficial que prefiran nas actividades académicas da USC.
Isto supón que ninguén ten por que cambiar a lingua que emprega, sexa galego ou castelán, por problemas de comprensión oral ou escrita dos demais nas actividades académicas.
E concrétase nunha serie de dereitos coma os que podes ver nas lapelas de máis abaixo.
tes dereito:
- a dirixirte en galego ao profesorado, tanto en público como en privado.
- a usar este idioma en traballos escritos ou en exposicións orais.
- a responder en galego os exames tanto escritos como orais.
- a coñecer que lingua se vai usar en cada materia e grupo docente antes de matriculáreste nela.
tes dereito:
- a impartires clases en galego.
- empregar esta lingua nos teus materiais docentes (apuntamentos, presentacións...).
- a redactares en galego os exames e outras probas escritas ou orais.
No seguinte vídeo de pouco máis dun minuto, unha profesora da USC explica os fundamentos legais destes dereitos.