Máis artigos, de calidade e en galego, co impulso das CNL de Matemáticas, Psicoloxía, ETSE, Enfermaría e Humanidades.
Teranse en conta as edicións feitas dende o 1 de xuño de 2025 até o 20 de setembro.
As comisións de normalización lingüística da Facultade de Matemáticas, da Facultade de Psicoloxía, da Escola Técnica Superior de Enxeñaría, da Facultade de Enfermaría e da Faculade de Humanidades promoven esta iniciativa que pretende dar pulo á produción e á difusión de artigos de calidade contrastada en lingua galega na Galipedia (wikipedia en galego) e fomentar a participación de toda a comunidade universitaria nunha iniciativa de extensión do saber e do coñecemento en lingua galega.
Os obxectivos deste concurso son: promover a produción e a difusión de artigos de calidade contrastada en lingua galega na Galipedia e fomentar a participación da comunidade universitaria nunha iniciativa orientada á promoción da lingua galega e da cultura.
Teranse en conta as edicións feitas dende o 1 de xuño de 2025 até o 20 de setembro.
Haberá unha xornada de formación o 12 de xuño a partir das 16,30 na Biblioteca Concepción Arenal. Para participar, haberá que cubrir este formulario previamente.
Poderán presentarse a estes premios os membros da comunidade universitaria da USC no curso académico 2024/2025.
As persoas interesadas en participar neste concurso deben:
- Antes do 20 de xuño, inscribirse como participantes, a través do formulario accesible desde esta ligazón. A organización confirmará a inscrición ao enderezo electrónico que no formulario se indique como medio de contacto.
-
Editar na Galipedia un artigo ou un conxunto de artigos, ben creándoos de novo, ben mellorando de forma significativa algúns xa existentes. Esas edicións deben realizarse como persoas usuarias rexistradas na Galipedia, para que as contribucións individuais de cada participante sexan identificables.
-
Antes do 20 de setembro, presentar esas edicións ao concurso, seguindo o procedemento que se indica na epígrafe 5 das bases do concurso.
Os artigos, redactados en lingua galega, deberán encadrarse en calquera das cinco seguintes áreas de coñecemento:
-
Psicoloxía
-
Matemáticas
-
Enxeñarías química, ambiental e informática, e intelixencia artificial
-
Enfermaría
-
Patrimonio cultural galego
Unha mesma persoa autora poderá presentar a concurso artigos vinculados a unha ou a varias áreas de coñecemento.
Concederanse 10 PREMIOS, dous por área de coñecemento, repartidos do seguinte xeito:
-
Matemáticas
Un primeiro premio de 350 € e un segundo de 150 € -
Psicoloxía
Un primeiro premio de 350 € e un segundo de 150 € -
Enxeñaría química, ambiental e informática, e Intelixencia Artificial
Un primeiro premio de 350 € e un segundo de 150 € -
Enfermaría
Un primeiro premio de 350 € e un segundo de 150 € -
Patrimonio cultural galego
Un primeiro premio de 350 € e un segundo de 150 €
O prazo de inscrición remata o 20 de xuño.
O prazo límite para a presentación do traballos remata o 20 de setembro de 2025.