Reúnese este xoves o Pleno do Consello Social da USC

O Pleno do Consello Social da Universidade de Santiago reúnese este xoves, día 12, nunha sesión ordinaria a celebrar ás 16:30 horas no salón de plenos da súa sede na Casa da Concha.
Na xuntanza someteranse a aprobación diversos informes sobre a creación de titulacións de Grao e de Másteres Oficiais, sobre a mobilidade na USC, sobre axustes da Relación de Postos de Traballo do Persoal de Administración e Servizos e sobre a modificación da Relación de Postos de Traballo do Persoal Docente e Investigador.
Por outra banda, presentarase o estudo ‘Impacto das Prácticas en Empresas na Inserción Laboral dos Titulados da USC’ que, de ser aprobado, farase público en datas próximas.