En Novembro de 2007, a Asemblea Xeral das Nacións Unidas proclamou o 20 de Febreiro como o Día Mundial da Xustiza Social.
A celebración do Día Mundial da Xustiza Social busca apoiar o labor da comunidade internacional encamiñada a erradicar a pobreza e promover o emprego pleno e o traballo decente, a igualdade entre os sexos, e o acceso ao benestar social e a xustiza social para todos/as.
Desde a Rede TIL |Rede de Técnicas de Inserción Laboral de Lugo| entendemos que os axentes de emprego, as administracións e o conxunto da sociedade, debemos velar por garantir resultados equitativos para todos e todas, a través do emprego, a protección social, o diálogo social e os principios e dereitos fundamentais no traballo.
Neste labor de compromiso, a Rede TIL nos últimos anos vén conmemorando o Día Mundial da Xustiza Social coa celebración de diferentes actos. E como non podería ser de outro xeito, en 2021 contamos cunha xornada que baixo o nome “Xustiza Social e Emprego: Emprego e Economía mergullada en tempos de Covid” foi posible seguir en liña, e na que da man das diferentes relatoras describiuse o novo panorama socioeconómico que está a deixar a Covid na nosa sociedade.
Relatoras
- Zinthia Álvarez Palomino. Programa de Promoción e Formación do voluntariado autonómico en Accem
- Raquel Lombao Fernández. Psicóloga Sanitaria e Forense
- Begoña Sánchez Roura. Traballadora social no Concello de Bóveda. Profesora asociada de traballo social na UVIGO. Militante da HOAC. Membro de ITD
- Teresa Rodríguez Vilaseco. Voceira Asociación de Empregadas de Fogar XIARA
Organiza
Rede TIL: Rede de Técnicas de Inserción Laboral de Lugo
Colabora
Vicerreitoría de Coordinación do Campus de Lugo