USC e Larsa convocan a segunda edición dos premios ‘Impulsando Galicia’

A USC e a Corporación Alimentaria Peñasanta SA (Capsa), a través da súa factoría láctea Larsa, convocan a segunda edición dos premios ‘Impulsando Galicia’, unha iniciativa orientada a promover a saúde a través da nutrición e os hábitos de vida saudables e coa que os seus promotores pretenden aproveitar o talento e xerar valor compartido que contribúa a avanzar cara un sector agroalimentario sustentable no país.

Os premios ‘Impulsando Galicia’ son unha iniciativa aberta a estudantes universitarios, emprendedores, sociedades mercantís, empresas e universidades de todo o territorio estatal. Cada participante poderá presentar os proxectos que desexe ata o 25 de abril a través da web do certame habilitada no portal de Larsa.

Unha vez formalizada a inscrición, as persoas que integren as diversas candidaturas deben remitir as correspondentes memorias dos seus proxectos innovadores ao enderezo electrónico premiosinnovacion [at] capsafood.com (premiosinnovacion[at]capsafood[dot]com). O prazo de presentación de memorias remata o 2 de maio. Os tres proxectos mellor valorados polo xurado, cuxa composición tamén aparece recollida nas bases do certame recibirán premios económicos por un importe de 5.000, 3.000 e 1.000 euros, respectivamente.