Nacho Samena e Hit The Beat actúan este luns na Casa do Saber

A Casa do Saber acolle este luns, a partir das 20.00h, a actuación ‘Unha viaxe musical no tempo’, a cargo de Nacho Samena e Hit The Beat, no marco de ‘Na Calzada’, actividade complementaria dentro do programa de música clásica ‘Músicas a carón da Mosqueira’, impulsado ao abeiro do convenio Lugo Cultural e do que forman parte USC, Concello e Deputación de Lugo.

A actuación de Nacho Samena e Hit the beat conforma unha función na que conflúen de xeito harmónico a música de cámara e a maxia. A entrada é libre e de balde para todo público interesado ata completar o aforo.