A Facultade de Ciencias acolle entre o 29 e o 30 de marzo as I Xornadas do Colexio de Nutricionistas-Dietistas de Galicia

O Colexio Profesional de Nutricionistas-Dietistas de Galicia celebra na Facultade de Ciencias as súas I Xornadas Codinugal, entre o 29 e o 30 de marzo, nas que se abordarán dende as alimentacións veganas e vexetarianas, pasando pola nutrición máis alá da perda de peso, a suplementación deportiva, a educación alimentaria ou os axustes dietéticos en función da evolución da composición corporal, entre outros temas.

As xornadas darán comezo o venres 29 a partir das 16.00h e o evento coincidirá, na tarde do 30 de marzo, coa Asemblea Xeral do Colexio. As inscricións poden formalizarse ata o 28 de marzo premendo nesta ligazón.