Últimos días para participar no V Concurso de Lemas contra a Violencia de Xénero

A Oficina de Igualdade de Xénero da USC vén de convocar o V Concurso de Lemas contra a Violencia de Xénero cuxo prazo de recepción de candidaturas remata este 12 de novembro e no que poden participar alumnos e alumnas da USC matriculados no presente ano académico.

O obxecto deste certame é a creación de lemas para a campaña de sensibilización contra a violencia de xénero, en galego, orixinais e inéditos, cunha extensión máxima de 140 caracteres. Seleccionaranse ata un máximo de seis lemas gañadores e o premio por lema gañador será de 100 euros máis diploma acreditativo. Concederanse tres premios por campus. Consulta nesta ligazón as bases completas do concurso.