O alumnado do Campus Terra da USC, convidado a presenciar o encontro CD Lugo-SD Huesca

O Club Deportivo Lugo convida aos e ás alumnos/as do Campus Terra da USC a presenciar o partido contra a Sociedade Deportiva Huesca, que se celebrará o luns 21 de maio ás 21.00h no estadio Anxo Carro de Lugo.

Todas as persoas interesadas poden recoller a súa entrada na conserxería da súa facultade ou escola, así como na oficina de Deportes da USC no Campus Terra, a Biblioteca Intercentros ou a Residencia Universitaria Jesús Bal y Gay.

O encontro contará cunha previa a partires das 18.00h no Pazo de Feiras onde se creará unha zona do afeccionado, con ambiente musical e postos de comida e bebida, con prezos populares. Este espazo será compartido con todos os afeccionados do club que queiran facer máis amena a espera do partido. Para acceder ao campo, os alumnos e alumnas terán que acompañar a invitación da Tarxeta Universitaria.