A Cátedra AgroBank da Universitat de Lleida convoca as II Axudas para a Transferencia do Coñecemento ao Eido Agroalimentario
A II Convocatoria de Axudas para a Transferencia do Coñecemento ao Eido Agroalimentario da Cátedra AgroBank da Universitat de Lleida mantén aberto ata o vindeiro 16 de xullo, ás 14.00h, na web http://www.catedragrobank.udl.cat/es/ayudas-a-la-investigacion o seu prazo de presentación de solicitudes para grupos de universidades e centros de investigación españois.
O obxecto destas axudas consiste en dotar aos grupos de investigación de financiamento para levar a cabo a transferencia de coñecemento de descubrimentos ou invencións ao sector produtivo agroalimentario co concurso dunha empresa interesada en implementar ditos avances.
Seleccionarase un único proxecto que será financiado cun total de 9000 euros e o fallo darase a coñecer en outubro de 2018. O prazo máximo de execución do proxecto será de seis meses.