O Campus Terra da USC abre o seu derradeiro prazo de matrícula

O Campus Terra da USC abre este martes 24 de outubro e ata o vindeiro xoves 26, o seu derradeiro prazo de matrícula. Os e as interesados/as en cursar estudos de grao no Campus Terra neste ano académico 2017-2018 poderán acceder ás titulacións con prazas vacantes sen necesidade de ter formalizada a correspondente preinscrición xa que este é un prazo de matrícula directa no que o único elemento imprescindible é cumprir cos requirimentos de acceso ao sistema universitario galego.

Ademais, esta matrícula directa non se pode facer de forma online, senón que debe efectuarse nas oficinas da Unidade de Xestión Académica situadas no Edificio Intercentros do campus universitario. Para máis información, pode contactarse coa Oficina de Información Universitaria da USC no Campus Terra a través dos seguintes teléfonos: 982 823 581/585

Neste derradeiro prazo, mantense o desconto do 50% da matrícula nos dez títulos de grao subvencionados pola Deputación Provincial de Lugo.