O ciclo de cinema negro francés continúa o luns na Facultade de Humanidades coa proxección do filme ‘Pickpocket’

O ciclo de cinema negro, unha programación promovida pola sección de francés do Centro de Linguas Modernas no Campus Terra, continúa este luns 8 de maio, ás 19:30 horas, no salón de actos da Facultade de Humanidades coa proxección de ‘Pickpocket’, un filme realizado en 1959 por Robert Bresson, que poderá verse en versión orixinal con subtítulos en español.

A segunda das proxeccións programadas na cuarta edición do ciclo de cinema negro francés, conta a historia de Michel, un carteirista que non rouba por necesidade malia que tampouco o fai por vicio; non é cleptómano, rouba para darse a si mesmo un valor, porque o roubo é o medio para expresar os seus sentimentos

O devandito ciclo, unha actividade promovida e organizada pola sección de francés do CLM no Campus Terra e que nesta edición leva por título ‘Á marxe’, terá continuidade os luns 15 e 29 de maio con outros dous novos filmes 'Judex' (1965), de Franju, e 'Alphaville' (1965), de Godard.