O veterinario Gonzalo López recolle en Lyon un premio europeo por unha investigación sobre Circovirus Porcino Tipo 2 (PCV2)

O veterinario chantadino egresado da Facultade de Veterinaria do Campus Terra da USC e membro do grupo de Investigación en Sanidade Animal de Galicia (Invesaga) vén de recoller na cidade francesa de Lyon o Premio European PCV2 Award, un galardón dotado con 25.000 euros en metálico e a través do que cada ano a multinacional veterinaria Boehringer Ingelheim distingue os tres mellores proxectos de investigación europeos sobre Circovirus Porcino Tipo2 (PCV2).

O pasado 9 de novembro, Gonzalo foi un dos participantes na primeira edición de DivulgaTerra, o evento de divulgación científica que Campus Terra impulsa co gallo do día da ciencia en galego.