A Facultade de Humanidades aborda nunhas xornadas as competencias profesionais dos xestores culturais

As competencias profesionais dos xestores e mediadores culturais, así como a súa implicación no desenvolvemento de proxectos neste eido, centraron este xoves a temática da VI Xornada en Xestión e Mediación Cultural na Facultade de Humanidades. A vicerreitora de Servizos Universitarios do campus de Lugo da USC, Carme Silva Domínguez, e a decana de Humanidades, María Isabel González Rey, participaron na apertura institucional deste foro monográfico, que se desenvolveu en quenda de mañá e tarde e no que participan máis de 30 estudantes, titulados e profesionais.