O programa Argos amplía o prazo de inscrición ata o 30 de outubro

Traballo en equipo e ‘aprender facendo’ son as claves do Programa Argos da USC, cuxo obxectivo é conformar grupos interdisciplinares aos que se lles facilitará acompañamento e asesoramento no proceso de definición dunha idea de negocio ademais de avaliar a súa capacidade para chegar a constituír un proxecto empresarial convincente.

O programa mantén aberta ata o 30 de outubro a inscrición para alumnado de posgrao, máster, doutoramento ou últimos anos de grao, titulados/as das últimas promocións e persoal ou colaboradores integrados en grupos de investigación.