Un relatorio sobre participación cidadá e educación ambiental abre a programación do Máster Daen en Profesorado

O Máster en Dirección de Actividades Educativas na Natureza (Daen), un posgrao oficial da USC estruturado en en 60 créditos ECTS e dirixido por Eugenio Otero Urtaza, profesor do Departamento de Historia da Educación da USC, botou a andar unha nova edición este luns na Facultade de Formación do Profesorado do Campus Terra da USC cun relatorio sobre espazos naturais, participación cidadá e educación ambiental, a cargo do profesor da USC e director do Ibader, Pablo Ramil Rego.

O vicerreitor de Coordinación do campus de Lugo, Javier Bueno, presidiu no salón de actos da Facultade de Formación do Profesorado de Lugo, a sesión inaugural da cuarta edición do Máster en Dirección de Actividades Educativas na Natureza, no marco dunha sesión na que tamén interviron o decano da facultade, Francisco Rodríguez Lestegás; o coordinador deste posgrao oficial da USC, Eugenio Otero; a alcaldesa de Lugo, Lara Méndez, e a deputada provincial delegada da área de Medio Ambiente, Sonsoles López Izquierdo.

Unha vez rematado o acto de presentación da nova edición deste máster, cuxa temática o converte nun posgrao único en España, os 28 estudantes matriculados puideron asistir ao relatorio ‘Espazos naturais: participación cidadá e educación ambiental, a cargo do profesor do Departamento de Botánica da USC Pablo Ramil Rego.