Campus Terra albergará unha nova edición do Premio Aresa
O reitor da Universidade de Santiago de Compostela, Juan Viaño Rey, e o presidente do Grupo Aresa, Álvaro Rodríguez Eiras, asinaron esta mañá no salón reitoral do Colexio de San Xerome un convenio de...
Lugo
O reitor da Universidade de Santiago de Compostela, Juan Viaño Rey, e o presidente do Grupo Aresa, Álvaro Rodríguez Eiras, asinaron esta mañá no salón reitoral do Colexio de San Xerome un convenio de colaboración para impulsar conxuntamente a edición de 2016 do Premio Aresa de Desenvolvemento Rural. Acompañounos no acto o vicerreitor de Coordinación do Campus de Lugo, Javier Bueno Lema.
Con este acordo inícianse os preparativos doutra convocatoria deste galardón co que a USC e Aresa veñen recoñecendo aquelas iniciativas levadas a cabo por entidades, empresas, grupos de investigación e persoas en xeral a prol do desenvolvemento do sector primario. A entrega do Premio Aresa é acollida cada ano polo Campus Terra da USC.