Proxecto Mentoring

Quen pode participar neste proxecto?

Estudantado de último curso de Grao ou Máster (matriculados no presente curso académico)
Titulados/as de Máster no curso 2023/2024
Graduados/as no curso 2023/2024

Quedan excluídas as persoas que participaran como “mentorizadas” en convocatorias anteriores deste proxecto ou en programas de mentorización de similares características.

A Área de orientación laboral seleccionará entre os solictantes os candidatos que reunan o perfil adecaudo para participar neste proxecto

Que obxectivos persegue o proxecto mentoring USC: Desenvolvemento profesional?

Poñer en contacto ao estudantando de máster, graduados/as ou último ano de grao (mentorizados/as) con profesionais e persoal directivo de empresas (mentores/as), co fin de que estes poidan orientalos e apoialos no desenvolvemento da súa carreira profesional.

Quen pode ser mentor ou mentora?

Pode actuar de mentor ou mentora os directivos/as, profesionais ou emprendedores/as con ampla bagaxe profesional e preparación de áreas afíns ao alumnado que participa, asi mesmo, deben compromentarse a dedicar unha pequena parte do seu tempo a escoitar as inquedanzas dos/as estudantes, compartir con eles os seus coñecementos e experiencias, aconsellalos para que poidan explotar mellor as súas fortalezas e aproveitar as oportunidades da súa contorna.

Que recoñecemento terán os mentores e mentoras participantes no proxecto?

A empresa ou organización á que pertenza o mentor ou mentora visibilizarase na páxina web da USC. Tamén se dará difusión dun breve currículo dos mentores e mentoras, sempre e cando o autoricen. Ademáis a USC organizará un acto no que se dará visibilidade aos mentores e mentoras, así como ás empresas colaboradoras, aproveitando este momento para facer entrega da acreditación como colaborador/a da USC neste proxecto.

Cal é o tempo de dedicación ao proxecto mentoring USC: Desenvolvemento profesional?

O mentor ou mentora comprométese a asistir ao acto de presentación do proxecto, e a manter polo menos catro reunións có alumno/a mentorizado/a, de forma presencial ou por medios telemáticos, durante os cinco meses que dura o proxecto.