Centro de Formación de Persoal

O Centro de Formación de Persoal ten como misión planificar, deseñar, executar e avaliar políticas formativas destinadas ao persoal da USC (PAS, PDI e PI) que estean aliñadas cos obxectivos e liñas estratéxicas aprobadas pola USC, que respondan ás necesidades formativas detectadas e que se orienten ao desenvolvemento profesional, como peza esencial para o cambio e a mellora da docencia, da investigación, da xestión e dos servizos que presta a USC.

Oferta os programas formativos para o persoal e mais a formación en idiomas do Centro de Linguas Modernas; impulsa a posta en marcha de proxectos innovadores que contribúan á mellora da docencia, e dá apoio ao uso do Campus Virtual e doutras tecnoloxías para a docencia.