En 2016, a Universidade de Santiago de Compostela aprobou o Protocolo de Prevención e Actuación fronte ao acoso sexual e o acoso por razón de sexo, orientación sexual e identidade de xénero. Esta actividade de formación pretende achegar o protocolo ao PDI e o PAS do Campus de Lugo.
Obxectivos
- Comprender o concepto de acoso sexual, acoso por razón de sexo, orientación sexual e identidade de xénero e as súas principais características.
- Coñecer e afondar no Protocolo de acoso sexual e acoso por razón de sexo, orientación sexual e identidade de xénero na USC.
- Descubrir a percepción social e a realidade do fenómeno no ámbito universitario.
- Deseñar unha proposta de prevención.
Contidos
1. O acoso sexual e acoso por razón de sexo, orientación sexual e identidade de xénero.
- Concepto.
- Delimitación lexislativa e modelos teóricos.
- Tipoloxía.
- Persoas involucradas.
- Acoso na universidade.
2. Protocolo de acoso sexual e acoso por razón de sexo, orientación sexual e identidade de xénero na USC.
- Obxectivos.
- Conceptos.
- Persoas destinatarias.
- Órganos competentes.
- Procedemento.
- Comportamentos constitutivos de acoso na USC.
3. Percepción e situación actual.
Metodoloxía
A metodoloxía será activa e participativa, combinando a exposición de contidos por parte da responsable da actividade co traballo das persoas asistentes á mesma, ben de maneira individual ou en pequeno grupo.
Docentes
Milena Villar Varela. Universidade de Santiago de Compostela. Departamento de Pedagoxía e Didáctica da USC.
Colectivo ao que vai dirixido
Persoal Docente e Investigador e Persoal de Administración e Servizos
Duración
A duración do proceso formativo será de 6 horas (4 presenciais e 2 non presenciais)
Datas de celebración
- 4 de novembro de 1:30 a 13:30 h. Aula 2. Facultade Administración e Dirección de Empresa (Campus de Lugo)
- 10 de novembro de 11:30 a 12:30 h en liña.