Descontos para a comunidade universitaria no próximo partido do Obradoiro
A comunidade universitaria da USC poderá presenciar o próximo partido do Monbus Obradoiro fronte ao Casademont Zaragoza a prezos reducidos, froito da colaboración da Universidade compostelá co equipo compostelán. Estudantes, PAS e PDI poderán retirar ata un máximo de dúas entradas a 5€ cada unha, en calquera sector do pavillón.
Para poder beneficiarse desta promoción, as persoas interesadas deben entrar na web do Obradoiro e acceder co usuario e contrasinal, en caso de non ter rexistro previo é preciso realizalo antes neste enderezo). Unha vez na web de acceso, deberá premer en ‘Entradas’ e seleccionar o partido fronte ao Casademont Zaragoza. Deseguido seleccionarase a zona de pavillón na que se desexan comprar localidades e o/s asentos/s comprobando que o prezo estea na opción ‘Tarifa adulto’. A continuación engadirase o código promocional 23USC24 e procederase a ‘Validar’, para que as entradas cambien o seu prezo a 5 euros cada unha.
Logo de ler as condicións de compra e aceptalas, será preciso ‘Finalizar compra’ e realizar o pagamento. No día do partido, no caso de que se solicite a identificación no acceso ao pavillón será preciso acreditar a pertenza á comunidade universitaria coa Tarxeta Universitaria de Identificación (TUI).