A biblioteca de Bioloxía repasa nun vídeo a traxectoria das biólogas españolas máis destacadas

A biblioteca de Bioloxía vén de elaborar co gallo do 8 de marzo, un vídeo no que se repasa a carreira e as aportacións científicas realizadas polas principais biólogas do noso país. Nel descríbense brevemente as investigacións desenvolvidas por cada unha delas, acompáñase ademais dun código QR que leva a unha publicación (artigo ou libro) relacionada coa súa investigación, e onde estás aparecen como autoras ou coautoras.

Os recursos enlazados son accesibles dende o catálogo Iacobus, algúns son de consulta online e outros pódense levar en préstamo a través da biblioteca.

Entre as biografiadas atopamos nomes como o da oceanógrafa Ángeles Alvariño, a bioquímica Margarita Salas, a bióloga molecular María Blasco ou a biotecnóloga María José Buzón.  

Podes acceder ao vídeo neste enlace.