Centro de interese 8M na Biblioteca Xeral

A biblioteca Xeral ofrece, durante este mes, un centro de interese cunha selección de fondos sobre a muller na literatura, ensaio de xénero, estudos históricos e visibilidade do feminismo na banda deseñada, ente outros. Boa parte destas autoras tiveron relación coa USC, como é o caso de María Xosé Agra ou Ofelia Rey Castelao, premio Nacional de Historia 2022.

O anaquel, situado na sala de lectura, fronte ao mostrador de préstamo, expón os libros en acceso directo para que as persoas usuarias poidan collelos e gozar da lectura na propia sala, ou levándoo en préstamo a domicilio.

O horario da biblioteca Xeral pode consultarse na súa páxina web.