A institución do valedor non debe ser considerada como un simple servizo de recepción de queixas, senón que o conxunto da súa actuación hai que enmarcalo nun contexto de mellora da docencia e do funcionamento da Universidade, así como na defensa dos dereitos de todos os membros da comunidade universitaria. Tendo en conta o anterior cómpre indicar que as súas funcións principais son:
- Recibir e tramitar as queixas que lle sexan enviadas, e buscar solucións ás mesmas ante os diferentes órganos e servizos universitarios.
- Formular suxestións e recomendacións ante os órganos universitarios que considere oportunos.
- Actuar como mediador e conciliador cando sexa requirido para iso por calquera membros da comunidade universitaria.
- Atender as consultas que se lle expoñan procurando dar información e orientación sobre as mesmas.
Quen pode acudir ao valedor?
- Calquera membro da comunidade universitaria que así o desexe poderá dirixirse ao valedor persoal ou telefonicamente, presentar queixas ou solicitar a súa mediación.
- Tamén poderán presentar queixas e efectuar consultas persoas que, aínda non pertencendo á comunidade universitaria, teñan relación e intereses lexítimos na Universidade de Santiago de Compostela.