Formación

As actividades formativas  e complementos de formación do PD:

A. Complementos de Formación. 

A CAPD avaliará de forma individualizada aos/as candidatos/as e a aqueles con perfís que non se axusten aos indicados para o acceso directo ao programa de doutoramento propoñeralles uns complementos de formación específicos adecuados ao seu perfil. Os complementos de formación que deberán cursar estableceranse en función da formación previa do/a alumno/a e serán tales que lle permitan alcanzar as competencias necesarias para o bo desenvolvemento da súa tese doutoral dentro do programa de doutoramento

Estas competencias adquiriranse cursando materias, ata un máximo de 15 créditos ECTS, do Grao de Enxeñería Química e/o dos Másteres de Enxeñería Química e Bioprocesos e Enxeñería Ambiental da USC.

B. Actividades formativas. 

O alumnado do programa de Doutoramento de Enxeñería Química e Ambiental deberá realizar obrigatoriamente unha serie de actividades formativas ao longo da súa etapa de tese doutoral entre as que se detallan a continuación:

B.1. Cursos de formación específicos da área de Ciencias e Enxeñería
B.2. Cursos de formación transversais
B.3. Presentación e defensa da investigación desenvolvida
B.4. Realización de estancias de investigación
B.5. Presentación de comunicacións en congresos científicos
B.6. Publicacións de artigos científicos
B.7. Publicacións de libros e capítulos de libros
B.8. Patentes concedidas
B.9. Participación en seminarios e/o talleres
B.10. Colaboración en actividades docentes

Número mínimo de horas de Actividades formativas obrigatorias a realizar polos/as doutorandos/as na súa etapa de tese:  

• Un mínimo de 25 h (1 ECTS) de cursos da oferta de Cursos de formación específicos da área de Ciencias e Enxeñería (das indicados no punto B.1.).
• Un mínimo de 50 h (2 ECTS) do conxunto da oferta de cursos de formación transversal (das indicados no B.2.).
• deberán realizar a actividade formativa de seguimento obrigatoria “Presentación e defensa da investigación desesenvolvida” entre os 24 e os 36 meses do inicio dos estudos.
• Ademais dos indicados nos dous puntos anteriores, deben realizarse actividades formativas das recoñecidas polo programa (das indicados nos puntos do B.1. ao B.10.), distintas das obrigatorias para a modalidade de tese presentada e aos criterios mínimos fixados pola CAPD no cuanto á difusión de resultados (dúas publicacións e/o unha patente), que sumen conxuntamente 100 h (4 ECTS) 

Nesta páxina web no apartado de calidade en criterios de calidade do programa especifícanse os criterios mínimos que debe cumprir un(a) doutorando/a para proceder á presentación da súa tese doutoral, entre os que están un número de horas de actividades formativas obrigatorio.

O alumnado do programa de Doutoramento de Enxeñería Química e Ambiental deberá realizar obrigatoriamente unha serie de actividades formativas ao longo da súa etapa de tese doutoral que se detalla no pdf do final da sección.

Ademais, todo o alumnado do programa debe realizar entre os 24 e 36 meses a actividade formativa obrigatoria de seguimento "Presentación e defensa da investigación desenvolvida". Esta actividade se detalla nun pdf na dereita desta páxina web.

A CAPD do programa de Doutoramento de Enxeñería Química e Ambiental recomendará ao seu alumnado a realización, cada curso académico, de actividades formativas transversais e específicas da área de ciencias e enxeñería das que oferta a EDIUS. Dita oferta pódese atoparse na páxina web da EDIUS na apartado formación (https://www.usc.gal/gl/centro/escola-doutoramento-internacional-usc/formacion). Así como a participación activa nos encontros para mozos investigadores da USC que organiza anualmente a EDIUS.

No documento de criterios de calidade (apartado de calidade desta páxina web) especifícanse os criterios mínimos que debe cumprir un(a) doutorando/a para proceder á presentación da súa tese doutoral, entre os que están un número de horas de actividades formativas a realizar. 

Mobilidade fora da USC

A USC asume a mobilidade dos seus doutorandos como parte esencial da súa formación investigadora, que lles permite adquirir novos coñecementos, aprender novas técnicas e que ademais fai posible o establecemento de intercambios científicos que impulsan as liñas de investigación en desenvolvemento na USC.

Ao mesmo tempo, coa mobilidade preténdese crear e potenciar vínculos académicos entre a USC e outras universidades, institucións de educación superior e empresas de ámbito nacional e internacional que permitan fortalecer os programas de doutoramento levándoos á excelencia e elevando o grao de internacionalización dos novos doutorandos incrementando o número de cotutelas, mencións internacionais e publicacións conxuntas con investigadores estranxeiros.

 Para acadar os obxectivos propostos en materia de mobilidade, a USC pon a disposición dos doutorandos toda a información sobre convocatorias, convenios e programas a través das seguintes unidades:

O Servizo de Relacións Exteriores da USC que ofrece información relevante sobre programas/convocatorias e normativa de mobilidade tanto para os estudantes da USC que desexen cursar estudos noutras universidades coma para estudantes procedentes doutras universidades.

O Centro Internacional de Estudos de Doutoramento e Avanzados da USC ofrece información sobre convocatorias de bolsas, axudas, congresos, seminarios..., ou calquera outra información que poida ser de interese para o doutorando, e encárgase da xestión das cotutelas internacionais con outras universidades estranxeiras.

Os Servizos de apoio á investigación publican as convocatoria propias da USC e convocatorias e programas de financiamento nacional e internacional.

Ademais, os responsables dos programas de doutoramento promoverán, na medida das súas posibilidades, a mobilidade dos doutorandos en centros nacionais, e internacionais de prestixio e en empresas, poñendo á súa disposición información sobre as colaboracións institucionais e proxectos/convenios dos correspondentes grupos de investigación a través da web propia do programa e/ou da web do Centro Internacional de Estudos de Doutoramento e Avanzados.

Para isto, os estudantes deben solicitar autorización ao Comité Académico, indicando as datas de inicio e finalización da estancia. Tamén deben incluír unha carta de invitación da institución ou entidade anfitrioa, que indique a persoa titular do título de doutor que realizará as tarefas de tutela nesa entidade ou institución. O Comité Académico, para decidir sobre a solicitude, podería pedirlle ao estudante toda a información adicional que considere necesaria. Unha vez completada a estancia, o estudante solicita á institución de acollida a certificación da estancia e envía unha copia ao Comité Académico xunto cun informe das actividades realizadas.

Mobilidade cara a USC. Matrícula por estadía de investigación

O alumnado que estea a cursar estudos de doutoramento noutras Universidades españolas ou en Universidades estranxeiras ou Investigadores que se incorporen temporalmente á USC, para realizar una estadía de investigación e con tutela académica na USC, relacionada coa súa tese de doutoramento ou investigación, ben mediante Convenios de Intercambio (SRE ou outros centros da USC), ben por autorización da universidade de orixe do alumnado para a realización da mesma, formalizarán unha matrícula de tutela académica na modalidade de "matrícula por estadía", polo período contemplado no respectivo convenio ou autorización.

Formalizarase a través da Sección de Posgrao e Terceiro Ciclo da USC, durante o curso académico, a través do Departamento ou Instituto, onde realizará a súa estadía, solicitado en todo caso sempre antes do inicio da mesma e independente da súa duración, cubrindo o formulario de solicitude correspondente (Solicitude de matricula por estadía de investigación), que deberá ser avalado polo/a profesor/a que o tutela e polo Departamento ou Instituto Universitario da súa estadía temporal, e achegando os documentos necesarios para a súa formalización (Copia do DNI ou pasaporte e documento de invitación ou autorización do organismo de orixe do alumnado).

O alumnado matriculado na modalidade de estadía aboará os prezos públicos correspondentes á matrícula da tutela académica se a estadía é dun ano completo, ou o 50% ou 25% deste prezo se a duración da estadía é dun semestre ou menor. A matrícula dará dereito de acceso aos diferentes servizos da USC durante a súa estadía. Tamén deberá aboar o seguro obrigatorio establecido.

A matrícula de estadía estará vixente nun mesmo curso académico, debendo renovar a matrícula, se o alumnado continúa nesta Universidade, ao finalizar un curso académico e comezar outro.

Recursos materiais específicos do Programa en Enxeñaría Química e Ambiental

O PD está adscrito a la Escola Técnica Superior de Enxeñería, ETSE. Na páxina web da ETSE pode atoparse información sobre as infraestruturas (aulas, laboratorios, aulas de informática, etc.) e os distintos servizos tanto xerais como administrativos dispoñibles, https://www.usc.gal/gl/centro/escola-tecnica-superior-enxenaria. A ETSE xa dispón dunhas instalacións adecuadas para o acceso a persoas con mobilidade reducida. Ademais comprométese a avaliar as melloras adicionais das instalacións necesarias unha accesibilidade universal e o deseño para todos (Resolución ResAP-2001 do Consello de Europa).

O Departamento de Enxeñería Química na ETSE conta cun total de 2.500 m² para a investigación repartida en 24 laboratorios e a planta piloto, no conxunto dos cales se dispón duns 50 postos de traballo. Os distintos grupos dispoñen de equipamento suficiente para realizar múltiples investigacións.

Cada Laboratorio é xestionado polos diferentes grupos de investigación (https://www.usc.gal/gl/departamento/enxenaria-quimica/investigacion), responsables de fornecer o material funxible e inventariarlle necesario para a realización das tese doutorais baixo a súa dirección (ao final deste apartado preséntase unha lista do equipamento actual máis relevante). A nivel estrutural cada laboratorio dispón das pertinentes conexións eléctricas e TIC.

É importante destacar que o Departamento de Enxeñería Química posúe un sistema de autoevaluación da actividade investigadora para repartir os espazos de investigación (cada 6 anos) que permita garantir a máxima produtividade nos mesmos.

Ademais o departamento ten asignado aulas de seminario específicas para a realización de reunións de coordinación e monitoraxe das investigacións. Desde o ano 2009 disponse dunha sala de videoconferencia para temas exclusivos de investigación, onde se realizan reunións de traballo coas diferentes entidades coas que levan a cabo traballos, contratos ou proxectos conxuntos de carácter nacional e internacionais.

Breve descripción del equipamiento disponible en los laboratorios

Así mesmo, existe material de vidro en cantidade suficiente, e computadores de mesa e portátiles.

Recursos materiais xerais da USC

Para dar cobertura a todos os requirimentos da actividade investigadora, ademais dos recursos propios dos centros nos que desenvolven a súa actividade os doutorandos, a USC conta con unidades de carácter centralizado que prestan os seus servizos a departamentos e grupos de investigación entre os que cabe sinalar:

A Biblioteca Universitaria que é unha unidade funcional concibida como un centro de recursos bibliográficos para a docencia, a investigación, o estudo e a aprendizaxe, ofrece servizos como os seguintes:

• Bases de datos reunidas
• Revistas electrónicas
• Sumarios electrónicos
• Servizo de préstamo interbibliotecario

Na súa condición de arquivo histórico, o Arquivo Universitario constitúe unha unidade funcional de apoio á investigación e á docencia. Está constituído por fondos documentais propios ou en depósito.

A Rede de Infraestruturas de Apoio á Investigación e ao Desenvolvemento Tecnolóxico (RIAIDT) é a estrutura organizativa que integra as infraestruturas instrumentais de uso común que prestan servizos de apoio á investigación da USC. O obxectivo da RIAIDT é darlle unha meirande unidade e operatividade aos recursos de apoio á investigación cos que conta a USC.

A Área de Tecnoloxías da Información e a Comunicación (ATIC) da USC ten a misión de deseñar, planificar, xestionar, administrar e asegurar as infraestruturas e servizos baseados en tecnoloxías da información e comunicación (TIC) prestados á comunidade universitaria nos ámbitos da docencia, a investigación e a xestión administrativa.

O respecto á diversidade e o desenvolvemento de políticas activas de incorporación e integración de estudantes con necesidades especiais son dous principios e liñas de actuación recollidos na Memoria de Responsabilidade Social da USC. A tal efecto, o Servizo de Participación e Integración Universitaria encárgase da coordinación, en colaboración cos distintos centros e entidades, e posta en marcha das actuacións necesarias para favorecer a igualdade entre todos os membros da comunidade universitaria.

Outros recursos:

Centro de tecnoloxías para a Aprendizaxe (CeTA)

Redes de aulas de informática

Área de xestión de infraestruturas

Servizo de medios audiovisuais

Servizo de prevención de riscos

Unha descrición máis detallada dos recursos materiais está dispoñible no apartado 7 da Memoria do Título