A xeoloxía é unha ciencia nova e pouco coñecida. Todo o mundo ten algúns coñecementos dos animais, das plantas, da arquitectura e das tradicións da súa contorna, pero poucas persoas se cuestionan como se orixinou o chan que pisan cada mañá, ou a paisaxe que ven cada día.
O libro Como se formou esta paisaxe? trata de facer chegar aos afeccionados e ás afeccionadas os coñecementos actuais sobre a xeoloxía de Galicia dun xeito accesible, a un nivel divulgativo, pois existe un crecente interese en coñecer a apaixoante historia do planeta Terra, a súa evolución e a súa influencia na nosa vida diaria.
No acto de presentación, aberto ao público xeral, participarán o autor, Eduardo González Clavijo; Belén López Vázquez, da editorial Baía Edicións, e o director do MHN, Javier Iglesias.
Esta actividade está organizada pola Asociación de Amigos do Museo de Historia Natural da USC.
