Abre o prazo de matrícula do curso de Competencias en Información para a investigación para estudantes de Doutoramento
O 11 de marzo comeza o prazo de matrícula da segunda edición do curso de Competencias en Información para o alumnado de Doutoramento da USC, que estará aberto ata o 18 de marzo. O curso desenvolverase entre o 25 de marzo e o 30 de abril.
A matrícula realízase a través da web da EDIUS, na sección de Formación / Transversais, ou a través deste enlace.
A EDIUS emitirá un diploma acreditativo da superación deste curso, que fará chegar ao alumnado, logo de que finalice a actividade.
Neste segundo semestre a BUSC imparte, tamén, o curso de Competencias en Información para a docencia e a investigación, dirixido ao PDI. Esta actividade formativa está enmarcada na oferta do Centro de Formación da USC, e esta previsto que se desenvolva entre mediados de abril e mediados de maio. A matrícula poderá realizarse a través do Plan de Formación para o PDI.
Para coñecer os obxectivos, contidos e metodoloxía de avaliación dos cursos, consulta a guía do Curso Experto en Competencias en Información.