Deep Technologies nos eidos da saúde e a lonxevidade

A transformación dixital é unha realidade imparable. O seu impacto é global e transversal a calquera ámbito de coñecemento. Ademais, se falamos do ámbito da saúde e a lonxevidade, podemos destacar os potenciais beneficios que a aplicación da intelixencia artificial (IA) pode ter no diagnóstico e a intervención sanitaria e socio-sanitaria. Técnicas avanzadas de análises posibilitan aplicacións no ámbito clínico e asistencial como a predición de patróns, detección non invasiva de trastornos cognitivos e/o conductuales, déficit de atención, medicina personalizada etc. O proceso de innovación e dixitalización no que estamos inmersos, provocado por unha imparable transformación dixital, marcará o currículo formativo e as necesidades de aprendizaxe permanente da competencia profesional a curto e medio prazo. Este proceso fai máis importante que nunca formarse e coñecer as posibilidades que ofrece a IA neste campo. Este curso busca reflexionar sobre como impactar a través das deep technologies no sector da saúde e da lonxevidade, introducindo as posibilidades de aplicación da IA para mellorar a eficiencia da avaliación nos trastornos de saúde e na cronicidade, e mellorando a alfabetización en saúde dixital de alumnado de doutoramento e profesorado. O presente curso inscríbese no Senior Innovation Lab, unha experiencia educativa no ámbito das persoas maiores, que combina traballo presencial e en liña, buscando favorecer a adquisición de coñecementos e ferramentas de innovación por parte do alumnado e profesorado da USC para desenvolver novas solucións aos distintos retos e oportunidades dunha sociedade envellecida. Para o desenvolvemento de solucións innovadoras empregamos unha aprendizaxe baseada en retos, traballando directamente con entidades do sector, e empregando metodoloxías de innovación áxil como design thinking e lean start-up. O curso está organizado polo proxecto Innov4Life, dentro da 3ª convocatoria do programa Interreg Poptep.