O profesor Núñez Seixas estuda no seu último libro os estereotipos dos inmigrantes galegos na Arxentina

O profesor do departamento de Historia contemporánea da USC Xosé Manoel Núñez Seixas acaba de publicar na editorial universitaria de Franche-Comté (Francia) o libro Icônes littéraires et stéréotypes sociaux. L' image des immigrants galiciens en Argentine (1800-1960). Os inmigrantes galegos, que representan aproximadamente o 15% dos europeos chegados a Arxentina entre 1840 e 1950, foron obxecto de estereotipos negativos que os retratan ata hoxe como seres honestos e traballadores pero intelectualmente limitados. Como se explica na publicación, o exemplo dos galegos na Arxentina ilustra as modalidades e dificultades dos procesos de integración social e cultural dos inmigrantes europeos nas sociedades de América Latina.