Últimos días para inscribirse no curso ‘A certificación. Un valor engadido’

Especialistas de distintos sectores exporán as súas experiencias en materia de certificación nun curso que terá lugar do 8 ao 12 de abril no Colexio Maior Fonseca da USC. Trátase de mostrar a importancia da certificación como ben engadido a un servizo ou a un produto de consumo. Recoñecido cun crédito de libre configuración e organizado pola Asociación ACIDE da USC, o curso impartirase en cinco xornadas presenciais nas que se mostrarán dúas caras da certificación, por unha banda a de organismos certificadores e pola outra entidades que teñen os seus produtos ou servizos certificados. Concretamente, e unha vez introducidos os conceptos básicos, tratarase a certificación nos sectores forestal, da edificación, a alimentación, o laboral e o educativo.