O historiador Steven Forti impartirá un seminario sobre o fascismo na Europa de entreguerras

O historiador Steven Forti impartirá este martes 19 na USC o seminario ‘Fascismo(s) na Europa de entreguerras. Historia comparada e historia transnacional’. A xornada celebrarase a partir das 12.00 horas na Aula do Máster de Historia Contemporánea da Facultade de Xeografía e Historia. Steven Forti é doutor en Historia Contemporánea pola Universitat Autònoma de Barcelona e a Università degli Studi di Bologna. Actualmente é investigador independente en Historia Contemporánea e membro do CEFID (Centre d’Estudis de la Época Franquista y Democrática) e da AHC (Asociación de Historia Contemporánea española), así como colaborador de varias revistas especializadas na investigación histórica e a información cultural en Italia e en España (Spagna Contemporanea, Segle XX, Historia, Trabajo y Sociedad, Atlántica XXII). A súa tese de doutoramento ‘El peso de la nación. Nicola Bombacci, Paul Marion y Óscar Pérez Solís en la Europa de entreguerras’ foi galardoada co premio da Cátedra Juana de Vega da USC e o accésit do Premio Miguel Artola da AHC.