Presentación da programa de actividades deportivas da USC para 20013-2014

O director da Área de Deportes da USC, Miguel Magán, e o vicerreitor de Estudantes Cultura e Formación Continua, Francisco Durán, presentarán este mércores 9 a programación de actividades que a Universidade de Santiago desenvolverá este curso no terreo deportivo. A presentación desenvolverase na Sala de Prensa do Colexio de San Xerome a partir das 11.00 horas. Neste encontro cos medios de comunicación presentarase igualmente a Memoria de actividades de Área de Deportes durante o pasado curso académico, prestando especial atención tamén a iniciativas como a semana de portas aberta que estes días se desenvolve para que as persoas interesadas podan coñecer as distintas propostas deportivas da USC ou a detalles sobre a demanda e uso das instalacións deportivas. En Compostela ofrécense adestramentos de deportes colectivos e tradicionais, aerobic e step, zumba, atletismo, bailes latinos e de salón, baile en liña e country, baile deportivo e xuvenil, esgrima, ioga, judo, karate, kung-fu, mantemento, mellora da condición física, meditación, pilates, taekwondo, tai-chi, tiro co arco, ximnasia terapéutica ou xadrez.