A Cátedra Bancaja de Novos Emprendedores da USC presentará o seu programa de actividades para o presente curso

A Cátedra Bancaja de Novos Emprendedores da USC desenvolverá neste primeiro semestre de 2012 un amplo abano de actividades co que tratará de mellorar a empregabilidade dos estudantes e apoiar a súa formación integral. O conxunto de iniciativas formativas a desenvolver nesta primeira metade do ano será detallado nunha rolda de prensa que ofrecerán este xoves 26 o reitor Juan Casares e a directora da Cátedra Bancaja da USC, Loreto Fernández, a partir das 12.00 horas na Sala de Prensa do Colexio de San Xerome.

O programa de desenvolvemento do potencial emprendedor, un seminario sobre a posta en marcha de proxectos emprendedores, un ciclo de experiencias profesionais sobre o exercicio da profesión na empresa e visitas a empresas e viveiros e charlas con emprendedores son algunhas das actividades que integran o programa deseñado.