Cabo Home e as Medulas, rutas de sendeirismo de novembro

A Universidade de Santiago de Compostela propón para este mes de novembro rutas de sendeirismo por Cabo Home e polas Médulas de León. A do día 10, que transcorrerá por Cabo Home, ten a peculiaridade de ser unha camiñada nocturna, comezando ás 16.00 e rematando ás 00.30 horas. Serán 14 quilómetros aptos para todos os públicos. O percorrido polas Médulas e o seu contorno será a fin de semana dos días 24 e 25, cunha distancia aproximada de 15 quilómetros e unha dificultade media. Ademais, o xoves 15 terá lugar unha ruta nocturna de oito quilómetros ao Monte Viso para poder gozar das vistas nocturnas da cidade.