Unha conferencia en Xeografía e Historia reflexiona sobre o posicionamento de Suecia durante a Segunda Guerra Mundial e a Guerra Fría

O Departamento de Historia Contemporánea e de América organiza este xoves 3 unha conferencia na que se analizará o posicionamento de Suecia na Segunda Guerra Mundial e durante o período da Guerra Fría. A intervención correrá a cargo do profesor da Linneaus University de Suecia Magnus Persson co lema ‘Precarious neutrality: Sweden during the Second World War and the Cold War’. A sesión desenvolverase a partir das 12:00 horas na Aula 12 da Facultade de Xeografía e Historia aberta a todo o público interesado.