Enfermaría busca voces para o seu Coro

A Escola de Enfermaría de Santiago organiza este martes 15 as probas de seleccións para o que será o Coro deste centro. Abertas á participación de estudantes, persoal docente e investigador, de administración e servizos, as probas realizaranse nas propias instalacións do centro a partir das 18.00 horas. Con esta iniciativa da Comisión de Cultura da Escola preténdese impulsar un instrumento que fomente as relacións entre os/as integrantes da comunidade universitaria ao tempo que sirva de carta de presentación do centro.