Ciencias Políticas celebra unhas xornadas sobre os novos títulos de grao neste disciplina

As xornadas ‘Os novos títulos de grao en Ciencias Política’ reúne este xoves 24 e o venres 25 a representantes de facultades de toda España onde se imparte esta titulación para debater e poñer en común aspectos relacionados co desenvolvemento destes estudos e experiencias innovadoras na súa docencia. Inauguradas no Salón de Graos da Facultade compostelá pola vicerreitora de Responsabilidade Social e Calidade, Benita Silva, abriu o programa a mesa redonda ‘Orientacións dos estudos de Ciencia Política’ na que interviñeron representantes da UNED, da Universidade de Xaén e da propia USC. Pola tarde a partir das 16.30 horas, a quenda de intervencións continua cunha segunda mesa redonda dedicada á presentación de experiencias sobre o novo modelo de ensinanza-aprendizaxe. Tomarán a palabra docentes das universidades Complutense de Madrid, Autónoma de Barcelona, do País Vasco e da USC. Este mesmo xoves 24, a partir das 19.30 horas, a vicerreitora de Titulacións e Persoal Docente e Investigador, Carmen Fernández Morante, inaugurará o Máster en Xestión da Cooperación Internacional e das ONG’s da USC, acto incluído na programación das xornadas. Presente e futuro dos estudos de Ciencia Política debateranse no transcurso dun seminario de traballo que o venres 25 porá fin ás xornadas. Os profesores da USC Ramón Máiz e Antonio Losada e o da Universidade de Granada Juan Montabes achegarán as súas posturas en relación coa autonomía da Ciencia Política, as orientación nestes estudos e as saídas profesionais dos estudos en Ciencia Política.