A segunda promoción do grao en Enxeñaría Informática celebra o acto de fin de carreira

A segunda promoción do grao en Enxeñaría Informática da Universidade de Santiago celebra este venres 6 o acto de fin de carreira que presidirá o reitor Juan Casares Long ás 19:00 horas no Salón de Actos da Escola Técnica Superior de Enxeñaría (ETSE). O programa contempla a intervención do director da ETSE, Juan M. Lema; da secretaria xeral de Modernización e Innovación Tecnolóxica da Xunta da Galicia, Mar Pereira Álvarez; do director do Departamento de Electrónica e Computación, Francisco Fernández Rivera; do presidente do Colexio Profesional de Enxeñaría Técnica en Informática de Galicia, Marcos J. Mata Mansilla; de José Varela Pet, padriño da promoción; do coordinador da titulación, David López Vilariño; e de David Noya Hervás e Sara Fariña Baúlo en nome dos alumnos.