O Servizo de Deportes propón para xullo dúas rutas de sendeirismo e roteiros arredor de Compostela

Unha ruta de Ponteceso a Castro de Borneiro e unha viaxe a Cantabría son as dúas ofertas de sendeirismo que o Servizo de Deporte da USC desenvolverá o vindeiro mes de xullo. A eles sumaranse os roteiros por Compostela e arredores, con dúas propostas para coñecer o contorno do río Sarela e o Tambre. No capítulo de sendeirismo, o Servizo de Deportes propón un percorrido que transitará entre Ponteceso e Castro de Borneiro ao longo de 12 quilómetros cun desnivel medio-baixo e un grao de dificultade igualmente medio-baixo. A inscrición pode formalizarse ata o próximo 6 de xullo. A segunda proposta desenvolverase integramente en Cantabria ao longo de cinco etapas que comezarán o 16 de xullo cunha ruta polas fervenzas de Barcenillas e rematará od ía 20 do mesmo mes cunha visita á cova de ‘El Soplao’. A inscrición pode formalizarse ata o día 13 de xullo. Para acadar máis información sobre as distintas etapa e maneira de apuntarse, as persoas interesadas poden consultar a páxina http://www.usc.es/gl/servizos/deportes/santiago/actividades/natureza/Puentenansa.html. Roteiros No contorno de Compostela e durante o vindeiro mes, o Servizo de Deportes engade ás rutas de sendeirismos dous novos roteiros, un polo río Sarela e o segundo polo Tambre, de ponte de Chaián a ponte Alvar. Neste caso, as citas serán o xoves 14 de xullo e o días 21 do mesmo mes.