Presentación do IX Congreso da Asociación mundial de químicos teóricos e computacionais
Ao evento de maior envergadura do mundo nesta materia asisten máis de 1.300 congresistas de 62 países
Máis de 1.300 químicos de 62 países daranse cita en Santiago entre os días 17 e 22 de xullo no IX Congreso mundial da WATOC (World Association of Theoretical and Computacional Chemist), a conferencia máis importante no florecente campo da química computacional de todas cantas se organizan no mundo. Os detalles deste evento científico presentaranos este xoves 14 en rolda de prensa os membros do comité organizador Saulo Vázquez, da USC, e Manuel Yáñez e Otilia Mó, da Universidade Autónoma de Madrid. A presentación será ás 11.30 horas na Sala de Prensa do Colexio de Fonseca.