O IV Ciclo Universitario da USC, recoñecido co premio Galicia Sénior

O IV Ciclo da USC, xunto cos das Universidades de Vigo e A Coruña e da Universidade a Distancia, recibiu esta fin de semana o premio Galicia Sénior que distingue o labor a favor do colectivo de maiores. A todas elas recoñéceselles a oferta educativa que ofrecen para cubrir a cada vez maior demanda das persoas maiores de 50 anos en Galicia e no que a Universidade de Santiago foi pioneira.